बटुक भैरव अष्टोत्तरशतनाम स्तोत्र

ध्यानम्

वन्दे बालं स्फटिकसदृशं कुन्तलोल्लासिवक्त्रं ।
दिव्याकल्पैर्नवमणिमयैः किंकिणीनूपुराढ्यम् ॥
दीप्ताकारं विशदवदनं सुप्रसन्नं त्रिनेत्रं ।
हस्ताब्जाभ्यां बटुकमनिशं शूलदण्डौ दधानम् ॥

स्तोत्रम्

मेरुपृष्ठे सुखासीनं देवदेवं त्रिलोचनम् ।
शङ्करं परिपप्रच्छ पार्वती परमेश्वरम् ॥१॥

श्रीपार्वत्युवाच ।
भगवन् सर्वधर्मज्ञ सर्वशास्त्रागमादिषु ।
आपदुद्धारणं मन्त्रं सर्वसिद्धिकरं परम् ॥२॥

सर्वेषां चैव भूतानां हितार्थं वाञ्छितं मया ।
ब्रूहि मे करुणासिन्धो लोकानां हितकाम्यया ॥३॥

श्रीमहादेव उवाच ।
शृणु देवि प्रवक्ष्यामि मन्त्रं आपदुद्धारकम् ।
सर्वशत्रुप्रशमनं सर्वरोगनिवारणम् ॥४॥

सर्वसिद्धिप्रदं पुण्यं सर्वकामफलप्रदम् ।
सर्वपापप्रशमनं सर्वमङ्गलकारकम् ॥५॥

ॐ ह्रीं बटुकाय आपदुद्धारणाय कुरु कुरु बटुकाय ह्रीं फट् ॥

ॐ ह्रीं भैरवो भूतनाथश्च भूतात्मा भूतभावनः ।
क्षेत्रज्ञः क्षेत्रपालश्च क्षेत्रदः क्षत्रियो विराट् ॥६॥

श्मशानवासी मांसाशी खर्पराशी स्मरान्तकः ।
रक्तपः पानपः सिद्धः सिद्धिदः सिद्धसेवितः ॥७॥

कङ्कालः कालशमनः कलाकाष्ठातनुः कविः ।
त्रिनेत्रो बहुनेत्रश्च तथा पिङ्गललोचनः ॥८॥

शूलपाणिः खड्गपाणिः कङ्काली धूम्रलोचनः ।
अभीरुर्भैरवीनाथो भूतपो योगिनीपतिः ॥९॥

धनदोऽधनहारी च धनवान् प्रीतिवर्धनः ।
नागहारो नागकेशो व्योमकेशः कपालभृत् ॥१०॥

कालः कपालमाली च कमनीयः कलानिधिः ।
त्रिलोचनो ज्वलन्नेत्रः त्रिशिखी त्रिलोकपः ॥११॥

त्रिनेत्रतनयो डिम्भः शान्तः शान्तजनप्रियः ।
बटुको बटुवेषश्च खट्वाङ्गवरधारकः ॥१२॥

भूताध्यक्षः पशुपतिर्भिक्षुकः परिचारकः ।
धूर्तो दिगम्बरः शूरो हरिणः पाण्डुलोचनः ॥१३॥

प्रशान्तः शान्तिदः शुद्धः शङ्करप्रियबान्धवः ।
अष्टमूर्तिर्निधीशश्च ज्ञानचक्षुस्तपोमयः ॥१४॥

अष्टाधारः कलाधारः सर्पयुक्तः शशीशिखः ।
भूधरः भूदराधीशो भूपतिः भूदरात्मकः ॥१५॥

कङ्कालधारी मुण्डी च नागयज्ञोपवीतवान् ।
जृम्भणो मोहनः स्तम्भी मारणः क्षोभणस्तथा ॥१६॥

शुद्धनीलाञ्जनप्रख्यो दैत्यहा मुण्डभूषणः ।
बलिभुग् बलिभुङ्नाथो बालोऽबालपराक्रमः ॥१७॥

सर्वापत्तारणो दुर्गो दुष्टभूतनिषूदनः ।
कालरूपः कलानाथः कामिनीवशकृद्वशी ॥१८॥

सर्वसिद्धिप्रदो वैद्यः प्रभविष्णुः प्रभाववान् ।
इत्यष्टोत्तरशतनाम्नां भैरवस्य महात्मनः ॥१९॥

फलश्रुतिः

अष्टोत्तरशतं नाम्नां भैरवस्य यः पठेत् ।
आपदुद्धारणं नाम स्तोत्रं सिद्धिकरं परम् ॥२०॥

सर्वपापविनिर्मुक्तः सर्वसिद्धिमवाप्नुयात् ।
भैरवस्य प्रसादेन लभते च परां गतिम् ॥२१॥